Отандық өндірушілерді қолдау шеңберінде және «Қазақстан инжиниринг» ҰК» АҚ еншілес кәсіпорындарының өндірістік қуаттарымен танысу мақсатында 2023 жылғы 10-11 сәуір аралығында 30 маманнан тұратын «ҚР Мұнай операторларының» әсерлі делегациясы алғаш рет «ПАМЗ» АҚ мен «С.М.Киров атындағы зауыт» АҚ-ға барды.
«ҚР Мұнай операторлары» делегациясының құрамына келесі ұйымдар кірді:
- «ҚазМұнайГаз» ҰК АҚ;
- «Ембімұнайгаз» АҚ;
- «Маңғыстаумұнайгаз» АҚ;
- «Өзенмұнайгаз» АҚ;
- «ӨзенМұнайСервис» ЖШС;
- «Oil Service Company» ЖШС;
- «Қаражанбасмұнай» АҚ.
Бірінші болып делегация мүшелері қазіргі заманғы технологиялар негізінде мұнай - газ өндіру, мұнай-газ өңдеу, мұнай-химия, химия, газ, энергетика және өнеркәсіптің басқа да салаларына арналған жабдықтар шығаратын Қазақстанның ірі машина жасау кәсіпорындарының бірі – «Петропавл Ауыр Машина жасау Зауыты» АҚ-да болды.
Кәсіпорын «Өзенмұнайгаз» АҚ, «Ембімұнайгаз» АҚ, «ТКжҰҚКБ» ЖШС, «Oil Services Company» ЖШС, «ҚазТрансОйл» АҚ, «Қаражанбасмұнай» АҚ, «Қазақтүрікмұнай» ЖШС және т. б. жетекші қазақстандық және шетелдік кәсіпорындарға кен орындарын игеру, мұнай-газ ұңғымаларын бұрғылау және қызмет көрсету үшін жабдықтар жеткізеді.
Өз кезегінде «С.М.Киров атындағы зауыт» АҚ шығарылатын өнімнің спектрі әр түрлі. Зауыт РВС КЛУБЫ мен радиостанцияларынан бастап БУШК-2м штангалық мұнай сорғысын басқару блогына дейін өнім шығарады.
Қайта құру, кешенді механикаландыру мен автоматтандыруды енгізу, дамудың кешенді және әлеуметтік-экономикалық жоспарларын жүзеге асыру нәтижесінде зауыт өзінің тарихында заманауи техникамен жабдықталған ірі кәсіпорынға айналды.
«Қазақстан инжиниринг» ҰК» АҚ «ҚазМұнайГаз» АҚ-ға отандық кәсіпорындарды тұрақты қолдағаны үшін, сондай-ақ мұнай өндіру және машина жасау салаларына арналған зауыттар шығаратын өнімдерге жоғары баға бергені үшін ерекше алғыс білдіреді.
