2020 жылғы 17 қыркүйекте «PZTM» АҚ-да Қоғамның 2020-2022 жылдарға арналған ұжымдық шартына қол қою рәсімі өтті.

Ұжымдық шарт жұмыс беруші мен жұмыскерлер арасындағы еңбек қатынастарын реттеуші, зауыт қызметкерлерінің әлеуметтік-экономикалық және еңбек құқықтарын сенімді қорғаудың кепілі болып табылады. Құжатты әзірлеу Қазақстан Республикасының қолданыстағы заңнамасына қатаң сәйкес және Қазақстан Республикасының машина жасау және қорғаныс өнеркәсібінің 2020-2022 жылдарға арналған салалық келісімінің нормаларын сақтай отырып, бірнеше апта бойы жүргізілді.

Жұмыс берушінің атынан Шартқа «ПЗТМ» АҚ бас директоры А.Жуаспаев, қызметкерлер атынан Қоғамның кәсіподақ комитетінің төрағасы В.Зарубин қол қойды.